మోహన్ బాబుకు తృటిలో తప్పిన ప్రమాదం!

తెలుగు చలన చిత్రసీమలో విలక్షణ నటుడిగా పేరొందిన మంచు మోహన్ బాబు కొద్దిసేపటి క్రితం పెను ప్రమాదం నుంచి తప్పించుకున్నారు. రాజేంద్ర నగర్ సమీపంలోని లక్ష్మీగూడ వద్ద ఆయన ప్రయాణిస్తున్న కారును వేగంగా దూసుకువచ్చిన మరో కారు ఢీకొంది. ఈ ప్రమాదంలో మోహన్ బాబు కారు స్వల్పంగా డ్యామేజ్ అయినా ఆయనకు మాత్రం గాయాలేమీ కాలేదు. ఈ ప్రమాదానికి సంబంధించిన పూర్తి వివరాలు తెలియాల్సి ఉంది.